NRN-NCC China News ...For Nepali-By Nepali

SEARCH

Welcome to NRN-NCC China

China Date and Time

NEWS FROM NRN-NCC CHINA

2010/05/04
Source: NRNA-NCC China (ध्रुव पौडेल)

राजनीतिक सहमति जुटाउन चीनको आहृवान

बेइजिङ ०४ मे २०१० । चीनले नेपालको शान्तिका लागि राजनीतिक दलहरुले आपसी मतभेदहरुलाई उचितरुपमा सम्हाल्दै उनीहरु सहमतिमा आउने आशा ब्यक्त गरेको छ ।
एनेकपा माओवादीले नेपालमा शानिवारदेखि आयोजना गरेको अनिश्चित आमहड्तालको सन्दर्भमा चीनको पराष्ट्रमन्त्रालयका प्रवक्ता चियाङ यूले बेइजिङमा आज आयोजित नियमित पत्रकार सम्मेलनमा उक्त कुरा बताउनुभएको हो ।
प्रवक्ता चियाङले नेपालका राजनीतिक शक्तिहरुले राष्ट्रिय हितलाई आत्मसाथ गर्दै वार्ता र सहयोगका माध्यमबाट राजनीतिक सहमति जुटाउने कुरामा हामी आशावादी छौं भन्नुभयो ।
उहाँले नेपालका राजनीतिक दलहरुलाई आपसी मतभेदहरुलाई सहीरुपमा समाधान गरी शान्ति प्रक्रियालाई प्रबर्द्धन गर्दै मुलुकको राजनीतिक स्थिरता र आर्थिक विकासलाई सकेसम्म चाडो सार्थक तुल्याउनका लागि आहृवानसमेत गर्नुभयो ।
चियाङले भन्नुभयो- यो नेपालको आधारभूत स्वार्थका लागि मात्रै होइन, क्षेत्रीय शान्ति र स्थिरताका लागि पनि उपयुक्त छ ।
Source: NRN-NCC China