NRN-NCC China News ...For Nepali-By Nepali

SEARCH

Welcome to NRN-NCC China

China Date and Time

NEWS FROM NRN-NCC CHINA

2011/07/02
Source: NRNA-NCC China

गैर-आवासीय नेपाली संघ, राष्ट्रिय समन्वय परिषद चीनको दोश्रो महाधिबेशनद्वारा गठित तेस्रो कार्यसमितिको दोश्रो बैठक सम्पन्न

गैर-आवासीय नेपाली संघ, राष्ट्रिय समन्वय परिषद चीनको दोश्रो महाधिबेशनद्वारा गठित तेस्रो कार्यसमितिको दोश्रो बैठक ०२-जुलाई-२०११ का दिन लु जिंग लु स्थित चाइनिज रेस्टुराँमा बसी निम्नलिखित निर्णय गरियो। बैठकको अध्यक्षता एन.आर.एन.ए.-चीन को अध्यक्ष श्री सुन्दर थापाले गर्नु भएको थियो।
निर्णय १ : संस्थाद्वारा गरिने खर्चहरुको निवेदन तथा बिल भर्पाइ अनिवार्य हुनुपर्ने, सो बमोजिम संस्थाले रकम भुक्तान गर्नु पर्ने। संस्थाको मौजुद रकमलाई (दोस्रो महाधिवेशनद्वारा अनुमोदित) संस्थाको महासचिव श्री सुदेश झा तथा कोषाध्यक्ष श्री राजु श्रेष्ठको हस्ताक्षर अनिवार्य हुने गरी बैंकमा खाता खोल्ने र जम्मा गर्ने निर्णय गरियो। संस्थाको आर्थिक प्रगति हरेक ३ महिनामा कोषाध्यक्षले कार्यसमितिमा पेश गरी अनुमोदन गराउनु पर्ने निर्णय गरियो।
निर्णय २: संस्थाको नियमित तथा अनिवार्य वैठक प्रत्येक महिनाको पहिलो शनिवार वा आइतबार गर्ने र सो को पुर्व सूचना बैठक हुनु भन्दा ४८ घण्टा अगावै संयोजक वा सह-संयोजकले कार्यसमितिलाई मोबाइल संदेश तथा इमेल मार्फत गर्नु पर्ने निर्णय गरियो। सो नियमित वैठकमा उपस्थित हुन असमर्थ सदस्यले असमर्थताको पुर्व सूचना सम्बन्धित निकायलाई (सचिव)गर्नु पर्नेछ। निर्णय ३: लगातार ३ पटक सम्म नियमित तथा अनिवार्य वैठकमा अनुपस्थित भएमा सो सदस्यले चौथो पटक अनिवार्य रुपमा प्रस्टीकरण दिनु पर्नेछ अन्यथा उक्त कार्यसमिति सदस्यको सदस्यता निस्क्रिय भइ पंजीकृत सदस्यको मान्यता पाउनेछ।
निर्णय ४: संस्थाको मौज्दुत(दोस्रो महाधिवेशनबाट अनुमोदित) कोष तथा रकम लिनको लागी पुर्व कोषाध्यक्ष तथा वर्तमान उपाध्यक्ष श्री नविन बि.क. संग तपसिल बमिजिमका कार्यसमिति सदस्यहरुलाई वहाँसंग सम्पर्क गरी उक्त रकम लिने साथै वहाँलाई औपचारिक पत्र काट्ने निर्णय गरियो।
तपसिल:
१. श्री सुन्दर थापा      २. श्री संजय चेतानी
३. श्री राजन जे.के.            ४. श्री सुदेश झा
५. श्री राजु श्रेष्ठ        ६. श्री प्रकाश खरेल
७. श्री शुक्ल प्रधान     ८. श्री प्रदिप भण्डारी
९. श्री सुशील बेलबासे   १०. श्री बलराम पराजुली
११. श्री रंजन ढकाल     १२. श्री रोहित अग्रवाल

Source: NRN-NCC China